Gert Olivur Schrøter Drangastein vorðin partnari í NUMO
Vit eru sera fegin og errin av at boða frá, at Gert Olivur Schrøter Drangastein, sum hevur verið ein virðismikil partur av okkara toymi, hevur staðið royndina sum løggildur grannskoðari. Samstundis er hann vorðin partnari í NUMO.
Gert byrjaði sína yrkisleið innan grannskoðan í 2014 og hevur síðani lisið HD-R á Aarhus Universitet og cand.merc.aud. á CBS, samstundis sum hann hevur arbeitt fulla tíð.
Gert er 30 ára gamal og hevur, hóast sín unga aldur, nógvar royndir sum grannskoðari, har hann hevur arbeitt við fyritøkum í øllum støddum.
Vit gleða okkum at halda fram við okkara arbeiði at veita góðar og málrættaðar loysnir til okkara kundar, og vilja ynskja Gert hjartaliga til lukku við, at hann hevur staðið royndina sum løggildur grannskoðari.