Eftir 8 ár sum statsautoriseraður grannskoðari og stjóri í NUMO hevur Súni Schwartz Jacobsen valt at takka fyri seg í stjórastarvinum. Súni hevur starvast eitt drúgt áramál innan fíggjar- og grannskoðanarheimin í Føroyum, bæði sum grannskoðari, bankastjóri, fíggjarfrøðingur og seinastu arini aftur sum grannskoðari.

Vit vilja nýta høvið at takka Súna fyri tíð hansara í NUMO, har hansara drúgvu royndir og fakliga vitan hava flutt og lyft NUMO á eitt hægri støði hvat viðvíkur grannskoðan og fíggjarligum tænastum annars. Við sínum hollu royndum og leiðsluførleikum hevur hann myndað menningina í fyritøkuni, og seta vit stóran prís á hansara avriksríku tíð her.

Bjarni Arnason, góðkendur grannskoðari, fer framhaldandi at røkja stjórastarvið í NUMO. Bjarni hevur eina cand.merc.aud. útbúgving fra Copenhagen Business School umframt eina cand.jur. útbúgving fra Københavns Universitet. Við síni fjølbroyttu akademisku bakgrund og drúgvu royndum innan vinnulív og grannskoðan, fer hann at leiða NUMO við einum sterkum fakligum grundarlagi og framskygnum hugsjónum.

Saman við okkara dugnaligu og trúføstu starvsfólkum eru vit tí væl fyrireikað til at víðka okkara tænastur innan grannskoðan og fíggjar- og løgfrøðiráðgeving, og við tí skapa kundum og samstarvspørtum okkara enn størri virði.

Leiðsla felagsins fer komandi tíðina at tryggja eina smidliga yvirgongd, so allar tænastur og arbeiðsgongdir halda fram sum áður.

Vit ynskja Súna alt tað besta í framtíðini og takka honum fyri gott samstarv hesi seinastu 8 árini.